Nahasmena hil honetako Grazia aldizkariak dakarrena. Hizkuntza ikasketen inguruko erreportai batetan parte hartzeko eskatu zidaten eta baietz esan nien. Euskaraz eta gazteleraz 頑張って nola esaten den galdetu zidaten eta eskatu bezala esan nien. Baina nahastu egin dira. Nahastu egin dira aldizkarikoak eta ziurrenik nahastuko dituzte gaztelera ikasten ari diren japoniar gixajoak. Aldizkari hau irakurtzen dutenak behintzat bai, lehen 'Animo' edo 'Adelante' zena, aurrerantzean 'Aurrera bolie' bait da. 'Eutsi' ere eman nien, baina dirudienez aukeran 'Aurrera bolie' hobe iruditu zitzaien, ahozkatzeko errazago akaso.
Bestalde, nazionalitatea azaltzen dutenean, 'euskal estatu autonomo'ko euskalduna naizela eta parentesi artean 'gaur eguneko Espainia' diote. Hiru inplikazio ditu honek, bata, espainiar edo frantziar hiritartasunetik at euskal hiritarasuna aitortzen dutela Japonian, aldizkari hau argitaratzen dutenek bederen. Bigarrena, 'gaur eguneko Espainia' badiote, aurreko Espainian ez geundela edo etorkizunekoan egongo ez garela naturaltasunez onartzen da. Eta hirugarrena, 'gaur egungo Espainia'ko euskaldunak existitzen badira, bestelakoak ere badirela, hots, Frantziakoak. Haiek ere 'gaur egunekoak' ote?
No comments:
Post a Comment