pastís, que no pastis. perquè un accent ho canvia tot

the coward is dead (sneak leak)

ファシオンは初めからいたい

I love you more than I ever do

izarrek goizero, egunsentian zerutik jeitsi eta adar hauetan pausatuz, adar hauetatik zintzilik, urtzirekin amestuz, gaua noiz helduko ilunabarrera

arte atseden hartzen dute. adarrei indartsu, gogotsu eusten diete, izan ere lurra ikutzen duen izarrari argia eta zerura itzultzeko bahimena kentzen zaizkio. hala ere izar exploratzaileak ere badaude, jakinminak tentaturik, araua sinetsi nahi ezinik abenturatzen diren izarrak. noizean behin pazientzia galduta baten batek bere burua bota egiten du, itxaropena xahuturik, nolabait zerura itzuliko ez denaren ideia maltzurrek ahituta. udako egun luze sargorietan gerta oi da hau. batzuetan alboko izar bihozgaberen batek, egun luzean zehar, gainerako izarrak konturatu gabe, marmarmar, itxaropena xurgatu eta jausten uzten ditu. udaberriko egun euritsu edo malenkoniatsuetan gerta oi da hori. baina izarrak ere edadetu eta naturalki hiltzen dira. udazkenean gerta oi da hura. neguan nora joaten diren galdetzen duzu orain. batzuk, kementsuenak pinu hosto bihurtzen dira. baina negua luzea da eta ikusiko dituzu han hemenka izar jauziak, eroriak. gehienek baina, ekuadorretik bestalde hibernatu egiten dute, hegoafrikan. benidorren? gutxi batzuk, bai. negu partean migratzen ikusiko dituzu han goian iheskor, kometak.